鬼哥簡評:
一局痛快熱血的角色扮演
《逃出魔幻紀：叢林挑機》是一部好鬼開心的電影。基本上由頭到尾打機式過關冒險，危機處處，不斷出現「爭啲死」的情節，令腎上腺素直飆。加上大笑小笑位佈局精心，可謂全無冷場。
四位主角性格鮮明，遊戲中角色亦各有所長，而且冒險過程中需要因應難題分別發揮。刻意的呼應將片中標榜的「熱血合作」精神發揮得恰到好處，角色扮演遊戲(RPG)模式的劇情推進方式，例如發掘線索、搜集情報、使用道具、甚至過場動畫等，都令整體感覺好玩兼完整。
動作場面設計誇張抵死，製作卻毫不馬虎。逼真之餘畫面亦非常豐富。鬼哥身邊就有其他觀眾緊張到彈起，甚至嗌出聲 XD
可惜鬼哥覺得本片稍為「到喉唔到肺」，原因有二。第一，可能因為目標觀眾及聖誕檔期的關係，片中對白竟然甚為乖豬，零粗口。要知道The Rock及Kevin Hart是粗口王，尤其Kevin Hart，演出棟篤笑時可謂粗口橫飛。結果導致部份對白感覺略嫌未夠痛快。片中又要牽涉sex jokes, 但又要勒住勒住，稍嫌突兀。
另外，本片打着打機旗幟，概念卻有點outdate。如果滲入更多例如VR AR 體感等情節和最新遊戲彩蛋，相信投入感會大大提升。
至於致敬位就比較subtle，看過第一集的觀眾也未必看得出來。想撈盡戲汁的朋友，建議先重溫上集。
鬼哥俾75分 聖誕檔闔家之選
----
重溫: 《逃出魔幻紀：叢林挑機》Preview:
誰能代替你地位 三位笑旦向搞笑之神致敬
https://www.facebook.com/BroGhostMovie/videos/390426511391778/
#逃出魔幻紀 #叢林挑機 #影評 #Jumanji #RobinWilliams #KevinHart #DwayneJohnson #TheRock #JackBlack #KarenGillan #搞笑之神
Search